Сонувај со срцето

За мојот народ:

Подарувам доверба во изобилство,

нудам верба во секого.

Сите ние сме луѓе,

иако понекогаш го забораваме тој факт.

Сакам да верувам во добрините

кои сакате да ги направите.

Споделете барем трошка љубов

за луѓето околу вас.

Таа многукратно ќе ви се врати,

зошто таа е ваша доблест и

олицетворение на она

што сакате да бидете.

Посакајте пријателство и

тоа ќе се оствари.

Замислете правдина и

таа ќе се појави...

Она што можеш

а сакаш да бидеш

не чувај го за себе... 

Посакај го и за другите.

Не врти ја главата пред

она што знаеш дека е вистинско.

Моментот на вистината е само еден.

Почни од сега,

заврши онаму

каде што другите почнуваат...

Припомни си за насмевките

онаму каде што недостасуваат. 

Посакај радост

таму каде што ја нема.

Само светот е еден...

И ти во него единствен...

Човек кој може се да промени на подобро.

Почнувајќи од сега...

Замижи со отворени очи,

сонувај со срцето,

духот ослободи го.

Во тој дух сите ние сме единствени,

со искрена желба за спокојство на разумот.

© К.А. 2014/12/17, in Delchevo